【新婚甜蜜蜜】同老公海邊撐枱腳 活希兒摶命食增肥

講起𡃁模始祖活希兒，大家最印象深刻嘅應該係當年佢喺前度孫道熙嘅婚禮度，同新娘坐埋同一件婚紗入場，成為一時佳話。事隔五年，Fiona 再有著落，同執行董事陳昌熹Darrin 正式拉埋天窗。前排《壹仔》撞見佢地兩公婆去淺水灣撐枱腳。

呢日活希兒同老公喺淺水灣出現，兩公婆行黎行去搵嘢食。未開餐之前，兩個先入咗間cafe ，一人買咗杯咖啡。老公等咖啡嗰陣，Fiona 就去咗附近公園影啲小朋友玩。之後兩公婆揀咗間西餐廳，仲揀正望海位置坐，夠曬浪漫！坐低之後，Darrin 負責發辦嗌嘢食，嗌到成枱煎炸嘢，Fiona似乎好好胃口，大啖大啖塞落口。食到老公停晒手，Fiona 繼續冇停口，戰鬥力不知幾強！

唔知係咪餓得濟，兩公婆掛住搏命食，食到咁上下，又各自各篤電話，幾乎冇乜交流。醫飽肚，兩公婆又手拖手去攞車走人。咦？Darrin 呢個動作好似有啲唔衛生喎！

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...