【離婚如獲新生】呂慧儀晒泳照展示纖腰長腿 趙頌茹sharp醒外型成品牌寵兒

嘩！呂慧儀近日不停post泳照，大曬螞蟻腰同長腿，回復單身果然唔同啲，好有戰鬥力。如果佢肯重新放盤，相信大把男士撲埋去呀！
2006年港姐季軍入行嘅呂慧儀，177cm高再加標誌性長腿，獲封「長腳蟹」稱號。不過自從2011年嫁俾黃文迪、2014年生埋個仔蟹籽後，呂慧儀對腳好似識得匿埋咁，唔再出嚟同大家見面，幾乎可以改名為「寄居蟹」。直到離婚消息曝光，單身嘅佢喺《愛•回家之開心速遞》中，反而有更多感情線，備受觀眾熱捧，近日更去到水上樂園拍攝，將佢對長腳重新「上市」，真係keep得幾好㗎，好多網民都讚話連細佢11年，未結婚又未生過嘅蘇韻姿都被比下去。
其實離婚後索返正咗嘅女性大有人在，阿Yu趙頌茹亦係個好例子。當年阿Yu嫁俾周永恆生埋兩個女之後，唔好意思都要講句，有段時間都幾殘㗎。不過離婚後，阿Yu話咁快就sharp醒返晒，加上高佻身材同型格外表，重新投入model、代言等工作，成為唔少品牌客戶嘅新寵。
立即下載《壹週刊》Apps，隨時隨地睇盡時政專題、深度偵查、娛樂熱話！按此連結：http://bit.ly/next28app

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinefansclub