女兒冧功一級棒 何猷龍羅秀茵受落心心眼

何猷龍貴人事忙，而且誇張啲講，冒住生命危險都要喺5個保鑣保護下陪阿女Shopping食雪糕。無他，因為個女真係好嗲，冧到阿爸阿媽錫到佢燶。

見到佢兩父女，一路上都係十指緊扣傾唔停，就知感情好啦。而且身邊咁多保鑣，但何猷龍唔需要佢哋幫手拎阿女件衫，反而係做老豆嘅自己拎，見微知著，對呢粒寶貝女愛不釋手，難怪俾寶貝女拖住周街跑都唔覺得狼狽啦。

除咗冧得掂老豆，何開梓對媽媽羅秀茵一樣好窩心，好似以前一家人睇完戲，大人小朋友離開時要分車坐，但開梓同媽咪攬完仲未夠，轉個頭仲要搵上咗車嘅羅秀茵再錫錫，認真sweet。

其實呢啲可能都係遺傳嚟架，因為睇落正經嘅何猷龍，喺老婆面前都有可愛sweet一面架。

相關新聞:
陪女中環掃貨 何猷龍5保鑣護駕
http://bit.ly/2BOWm6u

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...