《買樓狂想#曲》直線抽擊港府幫新移民：驚佢哋唔知點生活，首先教攞福利

ViuTV節目《買樓狂想#曲》以「教導後生仔買樓嘅知識同竅門」為主題，並參觀唔同級數嘅樓宇，近日節目就去咗睇公屋，以啟晴邨、水泉澳邨作為實地考察例子，嘗試同居民傾下計，參觀下佢哋嘅單位，點知節目巧合發現受訪居民個個都有口音，都係新移民，點解嘅？節目咁解釋：「只係香港人太鍾意返工，訪問當日閒日嚟㗎，邊得閒hea吖。」
算唔算係語帶雙關指新移民唔使返工可以hea呢？畢竟節目主持火火喺節目中曾經直線抽擊新移民搶福利，而且港府有偏幫之嫌：「講咩公屋啫，公屋你攞㗎咩？我話俾你哋聽，我哋香港政府就好鬼好人嘅，不過就唔係對你哋好人，咁對咩人呀？對內地人好人！我哋吸納大量內地人嚟香港居住，增加我哋出生率，增加我哋人口，但我哋慎防佢落到嚟唔知點生活，我哋就出埋呢個《新來港定居人士服務指南》，第一件事教你咩呢？厲害喇，攞福利！咁你哋香港人做咩呀？就係唔好同佢哋爭公屋。（咁佢哋搶晒我哋啲嘢，我哋用咩呀？住邊呀？）你哋住邊呢，呢啲就你哋閣下自理嘅，啱唔啱先？」
對於呢個節目，有觀眾讚貼地反映實況，亦有人彈偏激分化，更有人話睇完先知道原來民政事務總署有本嘢教人攞福利，打開一睇，又真係有教點樣申請綜援，點樣申請公屋喎！不過本嘢嘅用意寫到明只係想「協助盡早適應香港生活，盡快融入香港社會，開創美好生活」啫。
立即下載《壹週刊》Apps，隨時隨地睇盡時政專題、深度偵查、娛樂熱話！按此連結：http://bit.ly/next28app

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...