【跟進生意●做到灰心】無地放車 「愈搵愈貴 愈貴愈細」

「我個車場用咗不足一年時間，又俾政府收地啦！咁耐以嚟搬咗成五次地方。」一向惹火的溫少基（Siky）訴說著苦況。他旗下的「BUN FUN VAN」公司，主營麵包車出租服務，曾「效力」於尖東名貓忌廉哥及為政黨議員宣傳。「地方愈搵愈貴，愈搵愈細，真係好困難，唉。」坐擁超過十部麵包車的Siky，指每次「搬家」也心力交瘁，除了多部愛車要移動，連帶很多車輛維修設備也要搬運，非數天能安頓好。

香港常被美名為福地，但Siky卻遭天災影響，直言始料不及：「之前流浮山個車場好近海，八月時颱風天鴿襲況，好黑仔咁浸咗三部車，整唔番。」其曾早著先機於一三年把二手車改為美食車，卻於先導計劃中落選,他認為回歸後的政府，對所有以車來做生意的政策也很保守。「好似美食車咁，佢規定要大大部，結果成本太高，好多賣小食嘅檔主都叫苦連天指難回本。」麵包車生意於一七年經歷過浮沉，說話大剌剌的Siky也坦誠：「對車仲有熱誠，但對香港呢個環境好灰心。」他已設了一八年八月為決定去向的限期。「有個大project同間上市公司等單位籌備咗好耐，八月會公佈，反應唔好有可能會縮一半（五部）車。」

撰文／攝錄：財經組

相關連結：
【跟進生意●成本重】菜又加肉又加 狗糧提價兩成
http://bit.ly/2FrFUwp

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...