傳陳自瑤提離婚有跡可尋 王浩信租私竇早變相分居

王浩信同陳自瑤分居、婚變的消息一直未停過，近日又傳出女方決定分居兼提出離婚的消息。雖然男女雙方都未就今次的婚變傳聞作出回應，但基於YoYo不時在個人社交網站的帖文暗示，以及《壹》仔早前已報導過，指王浩信喺屋企同一幢大廈租多咗個單位做私竇，所以有理由相信王浩信同陳自瑤早已分居，且今次YoYo提離婚應並非空穴來風。
陳自瑤好認真經營個人社交網站，三不五時就會更新狀態，但就極少上載與王浩信的合照，而且咪睇佢啲相笑騎騎好開心咁樣，啲文字好多都會令人聯想到佢同老公感情不穩，例如：「一次重要的抉擇勝過千百次的努力！今天的生活是由三、五年前選擇決定的，而三、五年後的生活是由今天決定的！」「成熟後，發現幸福原來是一種心態，領悟就幸福。」「一千種來自外在的鼓勵，都不如你給自己的一道掌聲！」所以今次再傳婚變，仲係女方主動提出離婚，得知後一啲都唔覺得出奇，反而係認為：「終於忍唔住，要爆喇！」
至於王浩信，近年事業愈攀愈高，忙到屋企都返唔到，對住啲緋聞女partners仲多過見老婆同個女。或者有人會話：「不過佢放工就會返屋企日出康城喎！」其實好有可能係假像嚟架，事關有消息指佢一早喺寓所同座大廈租多咗個單位，其中一個用途，就係美其名為做workshop、搞製作、開coffee shop，實際就係私竇用嚟開P，就算帶咩人、帶幾多人返去，俾人跟到都只會以為佢返屋企，呢招掩人耳目真心高明。
用途之二，私竇亦可作分居後嘅寓所，事關王浩信唔想同老婆感情生變嘅消息走漏風聲，影響自己嘅事業。因此，極有可能兩人住埋同一個屋苑，但早已分居，不過就keep住人前繼續夫妻檔現身活動，話晒陳自瑤收入有限，始終要靠老公養家，難怪之前肯出活動晒恩愛、又打家庭親情牌約樂易玲傾王浩信拎視帝獎啦！直到日前再傳離婚，似乎紙包唔住火。

立即按此連結下載《壹週刊》APP：http://bit.ly/next28app

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...