【劏出個未來】香港樓市悲歌！劏房都未夠 最新玩埋劏天台！？仲可以整PARTY ROOM？

衝出國際嘅方法有好多種，香港早以「劏房」聞名中外後，最新又有新絕招，就係「劏天台」！60萬唔使就有800呎，全屬自己、無遮無掩嘅私人空間。很想要吧？提提你，雖然「天台」咩都無，但你管理公司都會收你管理費，每個月盛惠500蚊左右。

呢個「劏天台」位於葵興一座工廈當中，業主好有「心思」，將天台地下間開一格格，用不同顏色劃分，每一格附近加裝獨立水龍頭，樓下設有洗手間，實行打造成「精品天台」，代理仲話，有人已經買入用作潮流興嘅PARTY ROOM，又可以做天台農莊。

至於點買？代理稱，買家需先付8萬元，之後簽正式買賣合約時再付訂金，在成交期時再找尾數，之後管理費每呎5毫子，即係每月大約500蚊左右，因為天台會提供水電同上網。

究竟咁絕嘅橋係邊個諗到？買「劏天台」又有無風險？我地下集再講！