【失踪人口】45歲海俊傑被騙 一年冇工開：我喺屋企喊

離開香港六年，45歲海俊傑終於返嚟，聽吓佢13年去北京做北漂嘅故事。

「其實因為當時有個經理人喺上面簽咗我，當時都幾戰戰兢兢，因為喺香港住咗咁多年，雖然好早期已經上去內地工作，去北京拍嘢，但嗰啲係拍完就走，到真正要搬上去長住，心情都有啲戰戰兢兢。香港所有嘢都放棄晒，前後差唔多一年，套電影都係開唔成。其實都幾心灰意冷，一直都有追問經理人有冇其他工作，但對方只係隨便吩咐下屬跟進，但嗰陣已經係成年之後嘅事。第一年生活係最辛苦，因為不斷喺度等，同埋唔識人，無朋，友識嘅都有限，得一兩個朋友，好多嘢都唔慣，一個人喺上面感好孤獨。」他說。

經濟方面，他係靠落番南方演出，雖然可以生活，但並不開心。

「作為演員都想拍嘢，所以嗰一年好難過，會喺屋企喊，屋企人又唔喺身邊。但係又唔想俾屋企人知道，上到去都唔係咁好搵，都唔係話北上就一定有嘢做，或者一定有好好嘅工作，會有好多機會。」他說。

好彩一年之後，識到朋友，又認識咗老婆，建立人際關係，慢慢開始有戲拍。

「上年九月十五日結婚，大家都有問，係想嘅，我鍾意小朋友，陳國坤嗰個仔都一歲。不過順其自然啦！我咁嘅年紀，啲人話你仲唔生，你唔夠精力同佢玩，OK嘅，我一個禮拜都有四日運動。」他說。

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...