【有種愛叫友誼】視城中筍盤黃子雄為buddy 54歲劉美君喜歡一個人

劉美君自從前年同拍拖8年嘅德日混血男友Steve分手後，一直保持單身。54歲嘅Prudence唔只係美魔女系列，仲已經係嫲嫲級人馬，keep得咁好，又真係好難信佢係single！好似佢同黃子雄咁，由細玩到大，不嬲keep住有見，只不過近排Prudence多玩ig，上載多咗佢哋嘅合照，即刻傳佢哋撻著咗。呢個世界上，有種愛叫友誼，Prudence視黃子雄係buddy，大家心照。習慣咗一個人嘅Prudence，好enjoy單身生活，好似呢日咁，約朋友high吓tea吹吓水，不知幾寫意。再睇吓佢一身打扮，白色上身，加條超貼身嘅紅色褲，著埋對波鞋，casual得嚟夠搶眼，點睇都唔似54歲。唔怪得Prudence自己都話keep住有人追，唔缺貨，唔拍拖只係想享受吓單身生活。加上佢經常美國、香港兩邊飛，又會繼續拍嘢同唱歌，single都冇所謂啦，最緊要活得精彩、開心，係咪咁話先？
攝錄：東尼
立即下載《壹週刊》Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app


《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...