【Mirror靚仔成員 Frankie係佢阿哥】細龍太陳偉琪現實係高人 教香香彈豎琴

喺處境劇《開心速遞》演「細龍太」入晒屋嘅陳偉琪，佢嘅強項，除咗擁有咪霸身材，仲有其他本事係你估唔到。
首先青靚白淨嘅Mirror成員，即僅次姜濤靚仔嘅Frankie Chan，原來係陳偉琪嘅堂兄。兩兄妹style都好唔同，依家仲係打對台工作。
講番佢出道，陳偉琪係11年溫哥華嘅華姐亞軍，13年嚟香港選港姐，當時仲傳出佢有一位「神秘契爺」幫佢拉票，不過最後都係落選。同屆三甲係陳凱琳、蔡思貝同劉佩玥。
自小佢喺父母栽培下，成為依家豎琴同鋼琴嘅八級高手。前幾年香香(岑麗香)喺《溏心3》，飾演彈豎琴嘅女仔，原本一曉不通嘅佢，就俾搵陳偉琪上速成班，先可以對住鏡頭彈得有板有眼。
屬於好波之人嘅陳偉琪，對球類活動亦好有天份。排球打得叻，籃球一樣出色。入行後佢同《送水輝》許家傑、鄧穎芝等人組成男女藝人籃球隊「Hero」出賽。近年仲考埋健身教練牌，專演水性揚花角色嘅佢，查實動靜皆宜，推翻波大冇腦嘅定理。
立即下載《壹週刊》Apps，隨時隨地睇盡時政專題、深度偵查、娛樂熱話！按此連結：http://bit.ly/next28app
相關新聞:【細龍太曾經係170磅肥婆】陳偉琪露腩掃貨 戲裡戲外似細龍太最愛偷食
https://bit.ly/2H5FzyI

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...