【拍拖兩個月】52歲韋家雄閃娶銀行之花：個仔戥我開心

年過半百的韋家雄，經歷過失婚失戀，數年前跟圈中人陳嘉嘉分手後，更自認是愛情失敗者，灰到爆。直至今年元旦破例高調公告「破dry」，至今拍拖兩個月，已認定比他年輕近廿年的銀行之花Keynes，計劃今年內閃婚，全面私有化她。

韋家雄在與Keynes邂逅的酒吧公開放閃，他當晚在芸芸對手中，一家截三家糊！雖然成場對手，但韋家雄自感贏面高。「我靚仔過佢哋，所以有信心，哈哈！唔係，緣份嚟嘅，我冇拍拖幾年，咁啱嗰段時間我未有工作，抽到時間同朋友飲下酒，咁就識到佢。」

今年二人首次共度情人節，給女友最有誠意的禮物，莫過於一份承諾。「我哋十二月九日相識，一相識就有種熟悉感，好啱傾。拍拖一星期就有結婚嘅諗法，大家亦有傾呢個話題，因為我哋係認真。幾年前同一個女仔分手後，我冇刻意諗再婚嘅事，但遇到啱嘅人就好想。我哋希望今年內，婚禮想以西式派對進行。」

唔止一班兄弟，就連韋家雄的母親，及跟前妻所生，現時廿多歲的兒子，也為他找到幸福的另一半開心。「我個仔同佢成日都見，阿媽都認定佢係新抱。」

採訪：盧韻琴

攝影：蕭敬漁

相關新聞:
【以一敵三追到手】爆韋家雄殺退情敵 戴耀明：佢溝女堅過劉華
http://bit.ly/2EWZM6R

【初次約會凍到口震】韋家雄被女友讚好charm
http://bit.ly/2CgbxCn

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinefansclub