姚松炎化身旅行青蛙 冀籌百萬選舉經費

日本手機遊戲《旅行青蛙》，最近紅遍中港台，唔少人喺facebook分享養蛙經驗，擔心蛙仔唔知去咗邊。民主派九龍西補選參選人姚松炎，最近就食住呢股潮流，將自己化身成旅行青蛙，呼籲市民一人捐一千蚊，支持佢重返議會嘅競選旅程。

姚松炎喺facebook貼出一張改圖，佢置身喺《旅行青蛙》遊戲介面，喺度睇緊書。佢話參選要走遍各區，但終點只有一個，就係立法會，重返議會之路絕對唔容易，除咗要靠政綱論述、論壇表現，亦要靠經費維持活動與文宣品，缺一不可。

佢希望籌到一百萬選舉經費，根據圖中左上角顯示嘅三葉草數目，相信佢已經籌咗近二十二萬捐款，離目標都仲有一段距離。姚松炎話只要得到大家支持，佢會每日送上街站「明信片」，亦唔會好似旅行青蛙咁玩失蹤，會每星期公佈行蹤，仲識得自己每日執書包出門，叫大家唔使擔心喎。

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinefansclub