【零租金吸客都無用】數碼港商場變死城 政府管理十室九空 租戶：停車場仲光過呢度

潮流興科創，政府在最新的財政預算案中提及預留55億元發展數碼港第五期。數碼港主力支援資訊科技有關的初創企業，由政府「揸旗」，最初和盈科數碼動力一同管理，除住宅部分外，落成後管理權亦已交還給政府，近年辦公室的出租率高達九成，以科創地區來說成績不俗。
惟2004年落成的數碼港商場一直人流稀少，租戶生意淡薄，記者到商場視察環境亦見十室九空，有傳為了吸引商戶留低，更大搞零租金計劃留客，用分成計算代替租金。壹仔記者曾以客戶身分查詢租金，惟分成不包括新租客。
現在的商場，每幾年就會裝修一下，換下新貌，吸引人流，同時可向租戶加租﹐提高收入。但走到數碼港商場，十年如一日，燈光較為昏暗，以藍紫色為主調及射燈營造高科技感覺。商場內最多則是食肆，而指南上的美容及婚禮系列全是空缺，亦見不少舖位在放租。較為多人的戲院場次亦相對同區戲院少，惟電影尚算新；而商場內唯一一間茶樓最近亦遭清盤，使顧客選擇更少。
食肆及美食廣場人流最旺的時段只有午飯時間，客人大多都是數碼港辦公室的白領，惟午餐時間一過，商場頓時變死城，門可羅雀。
貝沙灣住客方小姐表示平日不會到數碼港商場閒逛，只是恰巧約了朋友：「我淨係嚟睇戲，基本上其他都冇。」她建議加設便利店和銀行，「冇㗎，增值八達通都要特登去到香港仔。」
專誠到訪數碼港的鄭先生指大約一年只會來一次：「真係專兜個圈，過嚟睇吓有冇草皮可以畀狗玩，都唔會刻意去商場。」他形容商場十室九空，不大吸引，「佢都唔係好開，商場唔係好關係到顧客同遊客，因為你唔會來呢到睇地產樓盤，我諗Food Court(美食廣場)比較正常啲，佢外在配套好過商場設施。」
對於商場人流少，管理公司沒有協助租戶，商場內一間零售店的經理亦認為管理方面需要改善，「應該要主動啲搵其他商戶啦，我唔知會唔會因為他們唔主動，其實我覺得可以做得好啲，人哋唔會特登過嚟，因為呢間商場得一兩間舖。」她指商場晚上時份燈過昏暗亦影響生意，「夜晚呢到連燈也冇，環境好暗，應該話唔太開燈。有客同我講過，停車場仲光過呢到！」
而記者問到商場前陣子舉辦的電競比賽能否吸更多人流，她搖頭嘆息：「平時要靠減價吸引啲客，電競其實幫唔到呢到，簡單講其實玩電競嘅人唔會shopping(購物)，佢哋會網上shopping(購物)。」
壹仔就與租戶分成及商場出租率方面向數碼港查詢，數碼港沒有回應分成一事，並稱目前已經就部份商舖跟新商戶簽約，並預期商場的出租率在今年年底會提升至百分之七十。
撰文：陳穎妍
攝影：林金展
立即下載《壹週刊》App，隨時隨地睇盡時政專題、深度偵查、娛樂熱話。按此連結： http://bit.ly/next28app 

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinefansclub