蘇永康開個唱 子華神粉墨登場做湊仔公

[h][/h]
[i][/i]
[c]
蘇永康(阿公)今年6月於紅館舉行個人演唱會，事隔七，八年未開個唱，為左賀阿公開騷，子華神粉墨登場，自編自導自演，幫忙阿公拍攝演唱會宣傳短片，認真夠晒老友。
今次咁出心出力，子華神笑住話：「咩原因咁幫忙？因為佢(阿公) 買左間樓比我，講明我一直可以住，住到第日個仔大再比番佢。哈哈。講真我地真係好朋友，十幾年前係橫店一齊開工拍戲，日對夜對，有晚係中秋節，得我同佢兩個人坐係架黃包車上面賞月傾計，個一刻我已經覺得我地兩個應該係埋一齊架啦！但係我唔能夠，所以……依家咪當左佢個仔係我個仔囉！」
聽住子華神亂噏無句真，坐旁邊的阿公笑個不停，「其實係我今年要開演唱會，初一帶埋阿仔同佢拜年個陣，大家傾開，我話我想拍條片放上社交網站宣傳，咁子華就即刻兩秒鐘度左條橋比我，之後我話我唔識搞，佢就拍心口話幫我搞埋，真係好唔話得！非常之多謝佢。條片入面，佢係飾演契爺角色，係我演唱會期間一力承擔湊仔服務。講開又講，呢個契爺真係唔話得，唔好話我個囝，連我自己都未見過咁大個富格林金幣，佢就送比阿囝上契，金幣之外，重有成日送 難好多玩具。阿囝就兩歲，開始識得認人，佢唔係咁鐘意男人，見到我班朋友都喊，但係契爺例外喎，佢好鍾意同契爺玩。」
至於演唱會子華神會不會做嘉賓，子華神就話，「我已經發左誓唔會做任何人演唱會嘉賓架啦。我依家鐘意拍野，我講真。(咁如果第日阿契仔JAZZ開演唱會呢？) 等佢大個真係唱歌先講啦！
立即下載《壹週刊》Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app[/c]


《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...