【中美貿易戰震股樓】人龍消失 直擊會德豐Montara買家抽飛 經紀緊張:45號籌你都唔博﹗

上星期，會德豐旗下，位於將軍澳新盤Montara開售，反應激烈，吸逾1.8萬張飛，蛇餅由港威中心打到出廣東道，過千人排隊，推出500伙一Q清人袋。發展商再接再勵，加推116伙，吸萬二飛。昨晚開售，但中美貿易戰，突然又再開打，令原本熱刺的售樓氣氛，即時冷卻。壹週刊記者在售樓現場所見，經紀都企定定沒事忙，發展商預備的鐵馬原定對付人龍，卻「用唔著」。
一名美聯的經紀被揀樓客「放飛機」，不斷致電對方游說，但客人似乎都不為所動。而這名放棄機會的買家，是持有45號，可謂「靚籌」，經紀手舞足蹈說：「如果你籌號是不好的，就不用浪費大家時間，但現在你的籌號是很好的呀﹗45號籌﹐個個都想45號籌。」「這批貨應該是賺的，一萬五千多元，哪個位置可以找到呢，黃太你也知道？商場地鐵站上蓋。你因為食飯所以無興趣，你當日抽到係只係為抽，中下就算？」他說足客人20分足，「一陣7點半最後時間，你一定要捉阿仔過來。」但記者等到七時半，其客人最終也「無影」。
不過現場依然有人不怕前景，依舊出席簽約，116伙最終亦沽清，發展商更要開香檳慶祝記者問買樓客為甚麼決定買入，不怕貿易戰而影嚮樓價，一名內地客說：「我不知道，我沒有研究過。」
事實上，自特朗普一聲令下，貿易戰真開打，港股本週累跌逾1500點，本週五在國家隊支持下，股市才能頂住跌勢。但特朗普喜怒無常，中國亦一副「來吧」的姿態，令談判充滿太多變數，股樓未來一斷日子將充滿陰霾，投資者坐穩過山車。
撰文：陳穎妍
攝錄：林金展

「壹起出手，撐新聞自由！」
立即免費訂閱《壹週刊》
登記成為壹會員，睇盡獨家內容，會員活動！
http://bit.ly/NextSubscrition30
【逐步教學】立即登記訂閱《壹週刊》！ 免費無阻睇盡全部精彩內容
http://bit.ly/2UWG7hI 

壹週刊 : https://nextplus.nextmedia.com/
即 like 壹週刊 fb : http://www.facebook.com/nextmagazinef...