【解約回復自由身】蔚雨芯靠父幹揸千萬豪宅 揀高檔家品入伙

繼阿G.E.M同經理人公司解約後，日前25歲「魔鬼胸」蔚雨芯，用真名劉蒨樺喺網上發聲明，話三月已跟經理人終止合約，仲話會以個人身份繼續喺呢行發展。
聲明一出，好多人都揣測佢係咪準備做千億新抱，同傳聞中嘅馬來西亞姓鄭嘅富二代結婚。日前壹仔見到自由身嘅佢，孭住個幾萬蚊手袋，同個friend，逛連卡佛嘅家品部，真係好貴氣。
不過咁，佢本身家境有啲米，父母十幾年前經營旅遊巴牌，高峰期持有五十部旅遊巴，依家將生意轉移國內，所以17歲就入行嘅佢，完全零負擔之下去追夢。
上年佢同其他年輕人一樣，上車靠父幹，以千二萬買入荃灣一個豪宅樓花，最近入得伙，唔怪得佢睇家品，仲要係高檔嘢。至於今次解約，據知因為出道做歌手嘅蔚雨芯，近年好想拍戲，但同公司鋪排嘅方向好唔同，加上一手帶佢出道嘅經理人民迪，亦離開咗呢間公司，所以蔚雨芯亦索性提前幾個月，同公司和平分手。
蔚雨芯早年拍旅遊節目，一副遮掩不住嘅好身材，令佢彈出。除咗佢胸，唱歌嘅佢仲有一個巨肺。至於佢嘅演技都唔錯架！初出道演出嘅電影《微交少女》，絕對冇怯場。近年佢喺大台拍完《新創世紀》，亦有《救妻同學會》，唔知自由身之後，下一站係咪入大台呢？
立即下載《壹週刊》Apps，隨時隨地睇盡時政專題、深度偵查、娛樂熱話！按此連結：http://bit.ly/next28app

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...