【港妻慢活在澳洲】300萬買600呎墨爾本樓 回報達6厘

呢排hashtag＃廣東話係母語洗版，T太係徹底嘅香港人，以後亦決定我手寫我口。

記得以前喺堆填區返工，有同事做過唔少海外樓盤嘅故仔，當時覺得隔山買牛，風險好難計。現今身在澳洲，不如親身了解下。

香港人投資海外樓，早已經不是新鮮事物，至於投資澳洲物業放租，回報究竟有幾多？今次T太睇嘅單位屬單幢大廈單位，鄰近墨爾本主要街道Elizabeth Street， 樓下已經有電車可搭，交通非常方便，步行去唐人街也不過十分鐘左右；香港業主陳先生數月前以近50萬澳元（約292萬港元）購入，目的既非為移民，純粹從投資出發，收樓後先讓父母暫住度假，之後就會正式放租。

一房單位實用面積六百呎，開放式廚房，位處大廈單邊，景觀非常開揚；大廈有住客會所。

家住屯門嘅陳老先生及太太，對單位周圍環境讚不絕口，認為囝囝投資眼光不俗。近年香港租金因應樓價而直線上升，但按政府最新數據，租金回報跌穿兩厘，史上最低；要靠租金供樓，幾乎都冇乜可能。

至於澳洲嘅租務市場情況，據墨爾本嘅物業代理稱，呢類一房單位相當受租客歡迎，一般都會好快有租客承租，而市值租金會大約每週550澳元，以50萬澳元樓價計，年收租金2萬8,600澳元（約16萬7,400港元），未扣除基本開支，租金回報大約6厘；聽落係幾理想嘅。

不過，隔洋隔海，點樣收租？如何打理單位？一旦遇上租霸，又可以點算呢？T太下集就會介紹澳洲嘅租務管理情況；跟香港真係有好大唔同。

撰文：T太

Facebook Page: https://www.facebook.com/OZwife/

 

立即按此連結下載《壹週刊》APP：http://bit.ly/next28app

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...