【大台新寵】執劉珮玥二攤做女二 馮盈盈靠新劇突圍

16年當選港姐之後，馮盈盈即刻比大台安排咗去做主持，除咗《學是學非》，仲喺J2 台嘅《後生仔偈下計》成日撩人講性話題，作風不知幾咁大膽！

現實生活Crystal一樣咁open ，一開始已經公開有個醫生男友Martin ，兩個成日糖黐豆，喺街頭當眾攬攬錫錫，成日挑戰大台底缐。之前又當「限奶令」冇到，喺ig Po 咗張比堅尼相，大晒三吋事業缐，班宅男就比佢搞到噴晒血。之但係班高層繼續隻眼開，隻眼閉，繼續比機會佢上位。

喺啱啱播出嘅新劇《果欄中的江湖大嫂》，馮盈盈第一次拍劇，就拍住煒哥，同香香睇齊做女二。其實大台一向有規矩，港姐要卸任先可以拍劇，今次馮盈盈可以破例，好明顯有高層開晒綠燈啦！

喺劇入面馮盈盈個角色仲好有發揮，做酒吧老闆娘，又惡又巴辣，另人最期待嘅就梗係性感演出啦!之前仲有傳原本呢個角色係劉佩玥嘅，開拍之前，阿moon 突然辭演，監制即刻提議比馮盈盈頂上，仲加埋佢戲份，擺明比位佢上喇！

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...