【封面故事●雨夜屠夫】凶宅有人住 街坊：士多老闆睇到新聞嚇死咗！

要數香港連環殺手，「雨夜屠夫」林過雲必佔其中一席。林過雲一九八二年殺害並肢解四名女子，八三年被判死刑，翌年改判終身監禁，服刑迄今三十五年。近日有網台主持聲稱，知悉林過雲有望獲假釋出獄，只待政府公布，網民聞之譁然，鬧得人心惶惶，惹來恐慌。

凶宅有人住

當年林過雲與家人同住土瓜灣貴州街安慶大廈某單位，亦是他把受害人肢解的現場。當年極度血腥恐怖的單位，到了今天仍然有人入住。本刊一六年曾上門拍門，一對菲律賓籍夫婦應門，當時他們表示已租住六年，月租約九千元，但對單位的恐怖歷史毫不知情。

記者近日再到昔日兇案單位，單位外走廊的白色牆身在白光管映照下顯得慘白，殘舊的階磚地板、帶有一兩條刮痕的牆身，加上當天毛毛細雨的天氣，令人步步走近單位，就不禁想起三十多年前在單位內發生的兇案，頓感涼意。單位外的鐵閘裝有獅頭門釦，似是希望帶來辟邪作用。記者走訪當天無人應門，但大門、門鈴依然簇新，估計仍有人居住。據知，林過雲父親住觀塘，一九八二年案發後，他每逢初一十五都會為受害女性燒衣。

街坊點睇？

鄧先生：「嗰時呢單新聞份份報紙都係頭條，電視成日都播住。我自己都有老婆仔女，如果放佢出嚟都有啲擔心，嗰時都好多個女仔俾佢殺咗，好殘忍㗎，梗係唔好放佢出嚟。」

張小姐：「發生呢件事嘅時候我仲好細個，冇乜記憶，但都知道呢個人，雨夜屠夫嘛。如果放佢出嚟都覺得唔係幾好，我諗佢係心理有少少問題，唔係一個正常人，放番出嚟都唔係好安全。」

簡先生：「佢都坐咗幾十年，唔使驚啦，佢太老喇。佢係做錯咗嘢大家都知，但都坐咗幾十年啦。我仲記得嗰時林過雲住附近嗰幢大廈，佢樓下有個士多老闆同佢好熟，以前成日送汽水上佢屋企。之後個老闆知道原來林過雲殺咗咁多人嘅時候，心臟病發嚇死咗。」

撰文：鄭靖而
攝影：王晴、韋平

相關連結：
【封面故事●獄中近照】信基督 頻覆檢 雨夜屠夫林過雲部署出獄
http://bit.ly/2HQGelQ

【封面故事●打稟制度】無期徒刑可變有期 林過雲積極上稟博出獄
http://bit.ly/2CKnGzW

【封面故事●屠夫成魔之路】殺人肢解拍實錄 沖曬店撞破曝兇案
http://bit.ly/2EVJ4In

【封面故事●屠夫入獄35年】直擊懲教筍工 煲煙睇書玩波
http://bit.ly/2HOYtb5

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...