【中環人語】鄭志剛兩公婆拍住上 哈佛槪念搞幼稚園

新世界(0017) 接班人鄭志剛唔單止落力做地產，仲睇準幼兒教育商機，早輪入股完Baby kingdom，又收購八間維多利亞幼兒園及幼稚園，本身已經是本地名牌幼稚園，22日仲宣布同佢母校哈佛研究院傾掂數，發展全球首創 STEAM「創造家」幼兒教育課程，將國際頂尖大學教育科研成果，融入幼兒教學。呢啲真正係替幼稚園打補針！鄭志剛自己都有三個細路，緊係知一班家長諗緊乜，同哈佛扯上關係喎，家長點會冇憧憬呢？

今次依個項目，雖然係鄭志剛兩公婆首次夫妻檔上陣，但其實鄭志剛太座余雅穎（Jennifer）早就睇準教育這個大市場，零九創辦Arch Education，機構專門開班協助學生考入Ivy League及Oxbridge。當然呢位鄭太履歷本身都好夠照，喺美國German Swiss國際學校及Choate Rosemary Hall讀書，呢兩間中學冇番咁上下銀兩都別叩門，特別是Choate Rosemary Hall寄宿學校，甘迺迪總統及著名金融狙擊手Carl Icahn也是校友。鄭太後來在哥倫比亞大學畢業，JP Morgan及高盛做過分析員及執行董事，雖然已有三個小孩，但有張咁靚履歷，所以如果珍妮花做「少奶奶」真係嘥晒！

撰文：宗菁華

相關連結：
【中環人語●誠哥識玩】恒基二少貪方便 做窮人遊艇會會員
http://bit.ly/2G0eY33
【中環人語●學到一手】李家誠向發哥偷師 娶到靚老婆
http://bit.ly/2u79zW9

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...