【姑奶祖兒搵弟婦過兩招】未婚妻係撒嬌的女人 容祖兒細佬冧住辦婚禮

38歲嘅容祖兒，上年同劉浩龍甩拖分手。
轉過頭，仲要俾細佬Samuel爬頭結婚，真係未做人妻，先做姑奶。
有家姐容祖兒呢個光環，細佬Samuel嘅愛巢同結婚酒席唔使愁，全由家姐照起。但其他濕碎嘢，當然自己處理啦！
日前見佢細佬陪住未婚妻Samantha揀鞋，Samantha一手攞起對金光閃閃嘅高踭鞋，唔使登台嘅佢，當然係用嚟結婚用啦！容祖兒呢位準弟婦，有「翻版阿嬌」之稱，真人身形屬嬌小版。呢對準新人，全程兩個似連體嬰，祖兒講過，佢細佬係性格小生，唔係人人可以將佢收服到。
嗱！姑奶祖兒，就要睇下呢位準弟婦，點樣收服你細佬。
第一式:「撒嬌的女人」。當日所見，Samantha全程小鳥依人，呢一套男人最buy！
第二式:「當佢BB咁氹」。Samantha一路行，一路拍拍Samuel肚腩，又掃下佢背，大男孩其實都需要BB咁呵護，呢招中晒。
姑奶祖兒見到呢幕，相信一定長知識，學嘢嘞！學識咗，分分鐘好快嫁得出。
立即下載《壹週刊》Apps，隨時隨地睇盡時政專題、深度偵查、娛樂熱話！按此連結：http://bit.ly/next28app


《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinefansclub