陸浩明爆大鑊指麥明詩好飢渴！馮盈盈加多腳：佢永不滿足 愈嚟愈餓

陸浩明（6號）、馮盈盈（FYY）真係好衰，趁麥明詩唔喺度就成日擺佢上枱討論，最近有集《#後生仔傾吓偈》更以「老實說」為題，要大家誠實講出對麥明詩嘅印象，而6號更老實不客氣咁用「飢渴」嚟形容佢添。
麥明詩公開過嘅戀愛對象只有林作一位，但佢入行之後都有過唔少追求者，例如吳業坤、余德丞、何浩文等等，可惜無一位成功。唔通麥明詩唔想拍拖？6號就爆大鑊指其實麥明詩好渴望愛情，仲沉迷交友app添：「我覺得飢渴係形容麥明詩㗎，佢真係好飢渴！佢對愛情飢渴就大家都知，又係個玩交友app嘅KOL，有啲咩新app佢都試過晒，知道晒好唔好玩。」FYY更補充：「即係佢永遠都唔覺得滿足，個人愈嚟愈餓，導致佢咁大食呀！」
面面俱圓嘅6號之後當然有兜一兜啦，話麥明詩係「多方面」飢渴：「對於人生，所有慾望、金錢、朋友等等佢都係飢渴嘅，對知識追求都好飢渴，佢就係Steve Jobs啲friend嚟嘅，stay hungry。」6號咁識講嘢，難怪FYY引述網民說話，指6號係刷鞋仔啦。
立即下載《壹週刊》Apps，隨時隨地睇盡時政專題、深度偵查、娛樂熱話！按此連結：http://bit.ly/next28app

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...