【八卦陣】何啟明見工屢敗屢戰 寸爆譚國僑反獲聘請

講起生涯規劃，民協嘅八十後深水埗區議員何啟明就話，學生時代其實想做傳道人，但佢又係點樣誤打誤撞，加入民協做「區佬」呢？

本身係基督徒嘅何啟明話，畢業後覺得自己都係靠把口搵食，但見過導遊、懲教等都唔請。有一次佢見NGO，去到第二輪面試，職員臨完面試就話佢嘅期望薪酬寫得幾高下，佢當堂寸爆回應：「咁你想俾幾多我啊？」雖然對方話：「你有quali嘅，俾幾多你都得，」不過最後都係唔請佢。

何啟明為自己咁激動解畫，話有同學見 NGO，要求薪酬被壓低五百蚊。「我都唔明，你一個月（慳）五舊，一年（慳）六千，你個機構就會風生水起啦咩？你商業機構就話啫。」

另一次佢應徵職安健推廣大使，再一次喺second in最後一條問題出事。當時負責面試嘅職員問何啟明，覺得你自己有咩缺點會影響工作，佢竟然答怕辛苦！呢個故事或者係教訓大家，做人有時都係唔好太誠實。

浮浮沉沉幾個月，何啟明嘅人生終於同民協有交集。當時譚國僑首次為民協披甲上陣落敗後冇耐，何啟明見工時，譚國僑問佢覺得民協點，佢兜頭劈埋去，話對方九月抵輸，仲大談原因，搞到譚國僑呆咗。

次次見工都喺最後關頭撻Q，何啟明見完民協都打定輸數，諗住連民建聯都試，點知譚國僑親自打去話請佢，返新工兩星期後仲問佢有冇興趣參選。之後出戰區議會一擊即中、參加超級區議會選舉等，就係後話啦。

撰文：巫不言

相關連結：
【八卦陣●求職拆局】嗌高人工答唔出原因 張慧敏怒窒：咁你又寫？
http://bit.ly/2IYgi8f

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...