【曾被指奀星】周奕瑋任日本線代言人 拍節目一洗頹氣

最近大台就播出由周奕瑋擔旗嘅《周遊東京》節目，上年永安旅遊搵佢做日本線代言人，今次個節目由永安贊助，當然搵佢做主持，估唔到嘅係外間一致好評。

事關周奕瑋喺節目入面，介紹唔少好玩抵食嘅地方，啱晒香港人口味。不過，旅行社上年起用周奕瑋做日本線代言人嘅時候，由於大家對於佢嘅認識唔多，當時更有人話旅行社應該搵森美都唔應該搵呢個奀星，完全唔知係乜水。話晒杜如風都幫過另一間旅行社做領隊，而森美拍嘅旅行節目一向都有口碑，亦難怪有人會話搵森美好過。依家睇完周奕瑋嘅節目之後，相信大家都明白點解人哋搵佢做日本線代言人啦。而佢仲幫旅行社拍咗唔少日本當地節目簡介片段，如果嫌電視播嘅唔夠喉，可以上返去佢哋網址睇更多片段。

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...