【唔係普通車房仔】 林寶維修部主管 一眼睇出車主點揸車

阿賢作為維修部主管，曾獲公司送至德國學習林寶堅尼獨特及專業的知識，故對林寶各型號十分暸解。阿賢任超跑維修員十一載，笑言可在跑車入維修部時，一眼已看得出車主是否鍚車。

他舉例說倘若車頭全部是一點點崩了，代表車主要求速度性；再細看輪馱、迫力（Brake）的狀況，就能看得出車主是如何揸車。部分跑車來到時，外表是很靚的，差唔多沒出過街似的，保養得好好，那些就真的很錫車。

而阿賢最難忘的一次維修經驗，則是有一架林寶堅尼Gallardo車身有三分之二都損毀，需要阿賢修理，並要在維修後像新車一樣，對他來說非常難忘且甚具挑戰。「係我維修過程當中，損毀得最勁的一架。又係個句啦，當你完成左佢變返好似新車咁係好開心！」

至於超跑維修員的日常工作，他就說要看每日接收什麼車而定。「首先好輕微的碰撞的話，通常會帶客人入接待處，接待處評估跑車的損毀程度，然後再叫師傅報價。視乎跑車損毀的嚴重性，譬如部分輕微的跑車，只需換沙板及換門。」如果較嚴重如撞了支架需要燒焊，就會用廠方的焊機，作一個維修的程序。

實際上，林寶堅尼車身採用專屬的碳纖維複合材料。為準確地檢查車身結構，嘉信汽車加入超聲波車身檢查設備及技術，以檢查車身纖維物料的結構，確保車身結構安全。因此，超跑維修員需要學習這個嶄新技術及通過海外考核。

而有意入行的人士，阿賢指個人需要有耐性，因超跑維修很多時需要重覆檢查。此外，還須有責任心，因超跑馬力很大，每一粒螺絲都會影響到顧客的安全。此外，更需具備英語能力，因有機會到外國接受訓練。

撰文：詹詠渝
攝錄：財經組

相關連結：
【唔係普通車房仔】超跑背後的男人 林寶維修員：「一粒螺絲都要夠緊」
https://bit.ly/2IK27D7

立即按此連結下載《壹週刊》APP：http://bit.ly/next28app

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...