【幾時結婚做阿媽？】生日正日唔見馬明 30歲黃心穎湊姨甥女夠貼心顯母愛

2012年選港姐入大台到而家過咗七年，黃心穎都踏入30歲。30歲生日搞Party，佢請晒成班大台老友開校服Party，湯洛雯，朱千雪一班女神著晒校服，好養眼啊。佢而家拍緊《法證先鋒4》，劇組都有同佢慶祝。就連許志安同梁漢文都有同佢慶祝生日。相信佢喺圈中人緣唔錯。不過一向同家人感情好好嘅佢，生日正日就留返同家人過。呢日《壹》仔見到佢著住一身牛仔套裝喺銅鑼灣出現，見佢自己一個行得好快，似乎係趕住搵人。之後佢就行入時代廣場嘅精品店。原來趕住搵嘅係二家姐一家人，一見到二家姐同姐夫，心穎即刻有佢哋有傾有講。佢同兩個姨甥女都玩得好開心，兩個姨甥女咁可愛，心穎都不時用手摸佢哋塊面，又痞低同佢哋傾偈。相信佢對小朋友都幾有耐性啊。驚小朋友行路唔穩，佢仲邊行邊護住姨甥女個頭，好貼心啊。
睇返Instagram，原來呢日係佢生日正日，同一家人一齊慶祝，難怪咁盛裝打扮啦！話時話，都已經踏入30歲，又鍾意小朋友，咁幾時會有結婚生B打算先？

立即下載《壹週刊》Apps，隨時隨地睇盡時政專題、深度偵查、娛樂熱話！按此連結：http://bit.ly/next28app

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...