【生意回顧●網友唔buy】洗米仔員工開網店賣月餅 生意暴跌慘蝕六位數

上年《壹盤生意》就介紹過洗米仔周柏豪寫app公司員工，八十後IT男陳冠銓（Patrick）在一六年用太太Cathi的網店賣月餅，一個節日輕鬆賺廿萬。Patrick於上年加入洗米仔的公司後，老闆竟全力配合他的副業，成立網店「月餅薈」，更讓出辦公室位置給他放置月餅，訪問時Patrick坦言「啲貨去得比上年慢」，但直指無有怕：「仲有一個月，唔驚蟹貨！」記者近日再次向Patrick查詢月餅生意，他直言要蝕大本「之前賺嘅幾乎要倒貼」：「係自己策略失敗，無得怨人，都唔關市況事。

開設IT公司的Patrick，一六年結婚後太太Cathi主力在家，他建議太太在家開設網店：「我就鼓勵佢去學Facebook宣傳，有個朋友開班，佢就去學，之後佢就同朋友開咗間網店，主要賣吓飾物。」之後他成功接洽月餅生意後，第一步就是在Cathi的專頁寄賣，之後愈賣愈好，結果更大賺二十萬，於是他雄心壯志，於上年與友人投資過百萬大量入貨，本以為「實食冇黐牙」，但偏偏因各種原因，導致生意大跌，Patrick亦大失預算！

Patrick一開始在太太賣飾物的專頁售賣月餅，之後他嫌專頁男性客人較少，於是決定另開專頁「月餅薈」，而太太就轉載「月餅薈」的內容，可惜時間太短，未能吸引客人：「之前生意的鋪排，或者事後… 因為做季節性食品，其實都發現需要持續有啲嘢要賣，先會有固定客人。」他直言以一個新的專頁，難以說服網友用信用卡購買：「因為我喺嗰度即刻收錢，嗰啲人都睇唔到我，佢（哋）見到網站，聽過用過先會夠膽用信用卡嚟俾錢。所以喺網上世界，平時建立品牌都好重要。」

「因為我基於我老婆嘅專頁。佢一向都有賣其他嘢，一向有相熟客人。反而上年分開做第二個專頁，所有嘢由頭建立，都有帶到客人過嚟，但唔係太多。」一六年網站售賣共四千盒月餅，到上年跌至千多二千盒，他惟有將賣剩的月餅捐贈給送給同事：「都有搵供應商商討點算，有啲可以退返，有啲寄賣，供應商都賣唔晒…咁都算啦。」

撰文：梁延宇

攝錄：關永浩

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinefansclub