【投資越南樓】iBanker棄投行高薪厚職創業 識揀單位由賺兩成變四成

「其實香港樓市唔會點樣大跌，但升幅就可能唔係真係咁大。真係已經好貴喇，全世界至貴就係呢度。」
隨著香港樓市愈來愈瘋狂，不少人開始投資海外樓。亞洲銀行家俱樂部創辦人賴遠方放棄摩根士丹利的高薪厚職，創立帝皇地產，專門投資海外樓。

回看過往十多年的Banker生涯，最深刻的非2008年雷曼危機莫屬。「那段時間出街都唔敢告訴人自己是Banker。」當時可算是賴遠方其中一個低潮。
事過境遷，雷曼風波很快被港人淡忘。
雷曼沒有直接令他離開投行，反而在2011年，賴遠方卻因工作沉悶而選擇離開大摩，自己再創業。三十歲出頭已經做到摩根士丹利執行董事，在一般人眼中已是成功的天之驕子。
他坦言，離開大行不是一個容易的決定，每個人都會認為這是一份好工，每個月有穩定收入，沒有必要冒險創業。加上，當時大仔只有3歲，細女還有一個月就出世。既然明知創業是十分冒險的決定，為何還會踏出自己的舒適區？
「講笑咁講，我成日同朋友講係一個midlife crisis。」他笑言。賴遠方在大摩主要銷售結構性產品，除了複雜，更加是冷冰冰的投資產品。「可能就係自己有passion，想做啲比較好玩嘅嘢，同樣是投資，但我想我啲客戶投資有passion。」

賴遠方為節省成本，租用朋友的辦公室一角工作，連清潔打掃都一手一腳自己做。有一次，他忘了自己約見了應徵者，至應徵者到來時仍在打掃。應徵者跟他說約了賴生見工，他叫應徵者在一旁等候。隨即入廁所放低手上的掃帚，再出來見應徵者。該應徵者一臉驚訝地說，「又係你啊賴生。」
而第一個員工亦只做了兩星期就離職，且在離職時跟他說「都唔知其實你公司做咩。」賴遠方指當時都幾尷尬。
創業初期，所提供的投資產品十分多元化，包括名畫、紅酒等，但一個月營業額未必有十萬元，交租後都沒有錢出糧予自己。
「講真，瞓唔著的，或者瞓至3,4點鐘，自己就會起身，真係好恐怖。」
說到公司的轉折點，定是代理海外樓。「嗰時未有越南，我哋公司做泰國（樓）比較多，泰國咁啱拉到一個大發展商，即係同佢都銷售得幾好，所以公司就開始壯大喇。」
大部份Banker都對海外樓盤情有獨鍾，「例如我們現在做最hot的就是越南物業，其實好多Banker都好有興趣，但就真的唔熟，亦冇咁時間了解。」
Banker自己對投資股票、債券已經很熟悉，但海外樓又是另一回事。「可能我以前做開（Banker），明白佢哋諗嘅嘢，即是佢投資嘅概念，佢哋想得到啲乜。因為Banker佢哋諗嘅嘢始終會特別啲，佢哋會要leverage，對於一個Banker嚟講，呢個好重要，佢哋好識計呢啲。即係未leverage回報有幾多，leverage回報有幾多，leverage我可以借幾多。每一件事每一個產品佢哋都會check得好清楚。」
假如沒有做好功課，是很難去說服他們。因為Banker自己一眼就睇得出有啲問題，佢就唔會投資。

近年開始投資越南樓，賴遠方兩年半前以180萬買入物業，現價已升至270萬，兩年半時間升值五成。
假如懂得揀特色單位，有機會整幢物業平均升兩成，但你所買的單位可以升四成。因為可能整個項目總共200個單位，只有兩個特色單位，升值潛力倍升。
當然，180萬升至270萬，或者甚至乎升至400萬，在香港絕對是很快可以發生的一件事，但現價已這麼貴，未來是否仍可升得如此多？
不少客戶看好越南是因為他們看到的是一個20年前的上海，或者20年前的大陸，這個200萬的物業，分分鐘有一日升至1000萬。
不過，投資海外樓始終有一定風險，近年越南盾持續貶值，由2014年高位0.00037跌至近日的0.00034，跌幅達8%，蠶食投資回報。
加上，越南物業市場透明度較低，在2018年全球房地產透明度指數（GRETI）排行榜顯示，越南在158個市場中排第61位，香港則是排第13，相比之下，越南物業市場仍欠缺透明度。
撰文：詹詠渝
攝錄：蔡福生
「壹起出手，撐新聞自由！」
立即免費訂閱《壹週刊》
 登記成為壹會員，睇盡獨家內容，會員活動！
http://bit.ly/NextSubscrition30
【逐步教學】立即登記訂閱《壹週刊》！ 免費無阻睇盡全部精彩內容
http://bit.ly/2UWG7hI 

「壹起出手，撐新聞自由！」
立即免費訂閱《壹週刊》
登記成為壹會員，睇盡獨家內容，會員活動！
http://bit.ly/NextSubscrition30
【逐步教學】立即登記訂閱《壹週刊》！ 免費無阻睇盡全部精彩內容
http://bit.ly/2UWG7hI 

壹週刊 : https://nextplus.nextmedia.com/
即 like 壹週刊 fb : http://www.facebook.com/nextmagazinefansclub