【資優學童】資優生較自我 導師籲家長需照顧情緒

家有資優兒，相信不少人都會認為是一樂事。的確，資優童在擅長的範疇擁有異於常人的聰明，旁人看來是「贏起起跑線」，但資優兒也有他的煩惱。鍾情Iron Man的資優生郭朗峯說，自己較能跟高年級的同學聊天，「有時我發覺同自己年級嘅同學傾，我同佢哋講會講唔明，但同高年級嘅同學傾，佢哋反而可以同我傾偈」，但他亦會與同年級的同學溝通，「我會講佢哋嘅話題，佢哋講咩我都會講咩，好似打機嗰啲，佢哋最近玩緊PUBG同傳說對決。我好少打機，但有時都會聽吓佢哋講。」

郭朗峯的弟弟，原來也是資優生。爸爸郭先生笑言，兩兄弟的個性南轅北轍，十二歲的弟弟有時會較反叛，「小學計啲數，如果係一條好複雜嘅數，譬如話係456乘345，功課要求你係要用直式列計法，佢就話唔洗，已經心算到個答案，即刻喺功課上寫答案。」郭先生說，如果弟弟覺得自己的一套是對的，就會堅持，不會接受別人的意見，笑指自己要用另一套方式教育弟弟。

究竟何謂資優生？香港資優教育學苑院長吳大琪指，小朋友在某些方面的表現比同齡人明顯地強，已是一個資優的指標，「譬如踢足球叻，都可以係一個資優生，冇一個測試可以測試到邊個學生一定係資優，所以好多時係要靠觀察。 」

數月前一名中二男生在街頭扯甩一個易拉架，被屈盜竊，被多名警員制服按地，令該學生情緒失控，事件引起關注。吳大琪指，一般資優生的問題，就是其能力分布不太平均，「有啲嘢特別叻，相比之下有啲嘢就顯得較弱。呢種情況令佢喺一般學生生活圈子中遇到困難，會有social-emotional need，即係佢點樣去適應社會。」他建議家長可讓小朋友多接觸類似的資優學童，讓小朋友有同伴支援的感覺。

撰文：鄭靖而
攝影：蔡福生


《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...