【見慣大場面嘅都咁....】真嚇親伍姑娘竟然做得出：唔停搣隔籬個friend

伍姑娘兩日趁住未同「港版金城武」開工，佢去咗睇《鱷口逃生》（The Pool）明星特別場，估唔到今次真係嚇親伍姑娘，佢話套戲都幾恐怖，一對男女被困泳池，之後仲要有隻大鱷魚出現，擺明係死梗。向來天不怕地不怕嘅佢，仲話緊張到一邊睇一邊搣隔籬嘅朋友，真係好唔好意思。伍姑娘自言近日忙於睇神劇《義不容情》，晚晚都唔得閒，不過佢慣於「夜生活」，所以一啲都唔怕捱夜。新一年，同場嘅黎明詩計劃好去旅行，參觀朋友青邁新屋，佢話自己有屋喺英國，但泰國就冇，所以都好想去睇吓。