欣宜著唔到高踭鞋開Show眼濕濕

鄭欣宜（Joyce）嘅演唱會仲有四十幾日就到喇，佢噚晚就係FB好Sad咁同大家宣佈，喺演唱會唔可以著高踭鞋同大家見面。

喺片段入面佢話︰「幾個禮拜前醫生已經同我講一定要着平底鞋做騷，但我都好努力做運動同做物理治療，甚至見埋營養師，希望可以減到幾磅，到咗on show嗰陣可以着高踭鞋同大家見面，但係呢個其實冇發生喺我身上，所以要喺呢度同大家講聲對唔住，覺得有少少美中不足，始終覺得自己身形唔係太好，希望着高踭鞋可以踏高少少，或者見啲前輩上紅館舞台一定着高踭鞋同大家見面，但唔緊要啦，希望大家繼續為我打氣，可能着平底鞋都可以好靚呢。」

粉絲們都紛紛留言為佢打氣，大家都不約而話著乜都唔緊要。網民留言節錄如下:

「有自信穿什麼衣服及鞋都沒有有問題的」

「平㡳鞋可創高峰由妳開始 ！支持妳 ！保重身體。」

「唔緊要啦！最重要係可以日後完全好返，唔好因一時，影響康復進度，記住：你仲有好多個人演唱會要開，我地等住睇嫁。」

「穿平底鞋一様可以、是聽歌、不過你要好好keep fit 因為太重對根骨不好的、努力支持你，祝你演唱會得得」

「 欣宜，不要失望，來看你演唱會，是欣賞你的歌藝，不是看你著高踭鞋。努力，加油，身體要緊，瘦些對你身體好些呢。好番都要多吸收高钙，對骨絡好些呀！」

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...