【自困三年找不到出口】何珮瑜幸有前度翁子光相救：匿喺屋企 失驚無神會嘔

入行接近十年，由嫩模到現在，Jeana何珮瑜可以說是有很大突破，在王家衛的電影《一代宗師》合作過，近日跟金牌編劇韋家輝執導的《神探大戰》合作，又有很高評價。不過做出成績背後，原來她曾經自困三年。
「因為入行畀人感覺係花瓶，之後嘅工作或者都只係點綴性質，所以都未搵到自己方向，嗰三年好迷失，亦都好鍾意困住自己，未諗到自己想點。但又已經入行，覺得自己可唔可以改變呢？可唔可以唔做花瓶呢？好多呢啲問題，又好似無人可以幫到我，所以就困住自己，又唔鍾意見人，可能有十個朋友約我，最後有九個我都會爽約。」她說。
她選擇了暫時逃避，大部分時間留在家。
「每日由朝到晚淨係睇戲，如果唔使工作嘅話，就由十一點起身，食少少嘢就開始睇戲，直至夜晚十一點瞓覺，會癲到咁樣，睇到有啲頭暈，亦都未必吸收到，但唔知點解就係想做呢樣嘢，亦試過失驚無神嘔，嘔完之後先感受到。因為睇過一套戲，有位律師臨打官司前就會喺法庭外嘔吐，我卒之感受到，原來壓力大係會嘅。」她說。
有這樣反應，她說並不因為過去的大膽性感角色。
「沒有過去的我，就沒有現在的我。」她坦言。
幸好，讓她遇上前度翁子光，他給她開了一扇窗，知道外邊的世界是有天空,有藍天白雲也有光，沒有再烏雲壓頂的感覺。
「佢寫咗一篇文畀我，講咗好多我嘅嘢，令我覺得有人關心。我開始學識唔再憤世嫉俗，欣賞自己。」她說。
兩人雖已分手，不過再見亦是朋友，在工作上繼續交流，還合作了《風再起時》，她再度跟梁朝偉合作，飾演他的老婆。

[h]「壹起出手，撐新聞自由！」
立即免費訂閱《壹週刊》
 登記成為壹會員，睇盡獨家內容，會員活動！
http://bit.ly/NextSubscrition30
【逐步教學】立即登記訂閱《壹週刊》！ 免費無阻睇盡全部精彩內容
http://bit.ly/2UWG7hI 

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinefansclub