【仁鬼殊途】完全衣紙手冊 冥通快運貴嘢無誤?

衣紙你或者燒過，但一定未收過，我講今世。這習俗起源眾說紛紜，有說南北朝南齊廢帝「好鬼神，常剪紙為錢」；有說東漢尤秀才病死，尤大嫂剪紙成銅錢形狀燒掉，賄賂鬼神，衰佬立即復活，一時間人人買紙燒。

當時沒有《壹》仔，原來姓尤條友係蔡倫徒弟，繼承造紙業，咁你明啦。不管燒衣紙源自奸商還是廢帝，後人跟到足，都幾冤枉，但我唔敢挑戰傳統，反正你燒咗心安理得，唔燒仆親入我數，我梗係叫你燒。

衣紙又稱溪錢、紙錢、金銀，玉扣紙所製金銀比再造紙貴好幾倍，土豪最愛，但你要肯定收件人都係土豪。問題是，貴價是否等於冥通快運一定送到收件人office？你同我都唔知。

中年人士應該知道，早年家庭將玉扣紙放在廁所，用途只有一個，後來人人用廁紙，玉扣紙步出廁所。理論上廁紙比玉扣紙好用，在廁紙上寫明銀碼燒掉，派送應該最準確無誤，使命必達。

今集《仁鬼殊途》陳達仁教學，衣紙應以元寶為底，再放金銀，最頂放收件人衣包，集運去下面，不如計埋體積重吖！只不知對方收唔收「自負寶」或者「蘋果批」。,

講到燒銀紙，最叻唔係陳達仁，係香港政府，一直燒俾阿爺。你知高鐵超支其實即是內地煉鋼廠加價，加幾多都要俾，不如下集請阿娥上嚟講。

 

撰文：陳勝藍



《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...