現重130磅 C奶孫慧雪盼3月前瘦一圈

今年三十五歲的阿雪，未生B前樣靚身材正，16年為紀念入行十年騷盡33C身材，推出首本及唯一的寫真集，限量三千本，很快便被搶購一空。
直到佗B時，體重由本來的一百一十磅增至一百六十磅，生完後半年，仍未完全修身。
「佢臨出世時，我體重去到一百六十幾磅，嗰時個肚好大，好多人都問我係咪佗孖胎。生完之後已經跌咗二十磅，去到一百四十幾磅左右，因為我無特別減肥，平時都係做完嘢就返去照顧BB，無時間做運動。」阿雪說。

唔只無運動，雪雪仲keep住食好多嘢，因為佢想多啲人奶，餵飽重廿三磅、食量驚人嘅巨B仔。「佢一出世已經要飲一百零五毫升奶，成間醫院都知道，啲姑娘都話我辛苦，因為一般只係飲六十毫升。當時陪月就叫我泵出嚟，盡量儲多啲，咁樣自己同BB都會舒服啲。近排開始出嚟做嘢，泵奶次數少咗，我開始一半配方奶粉，一半人奶。」

當然，佢唔係完全無修身目標，畢竟需要工作，而且首次做第二女主角嘅劇集《三個女人一個「因」》即將上畫，點都唔可以失禮嘅。「我成日都同自己講要做運動，但有時間我就想陪BB，因為新劇就嚟出街，之後會有好多宣傳，我唔想俾人見到我好肥，所以已經定咗目標，要喺三月之前瘦一個圈。」

相關新聞:
35歲孫慧雪產後抑鬱 「老公話我變得好恐怖」
http://bit.ly/2BEbxzu

撰文：海山

攝影及錄影：余一駱

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...