【唯獨陳法蓉是…】包到冚仍難掩好身材 短頭髮一樣Carry得好睇

1989年港姐冠軍陳法蓉，唔覺唔覺原來已經51歲喇！雖然仲係單身，但大家真係同佢定，話晒外表唔使人工添加都Keep得到，淡妝示人亦好省鏡，難怪佢曾經自信咁話自己大把人追啦。
早前陳法蓉單拖行街，喺一間名店入面同店員好好吹，相信係熟客仔幫襯開，唔買都可以入去攨水吹嗰種。陳法蓉離開嗰陣乜都買唔到，但面上勁好笑容，睇嚟吹水吹得好開心，而且真係不得不讚，剪短頭髮嘅女士唔多，而且短頭髮都carry得好睇嘅更加少，陳法蓉係其中之一。
另外，咪睇佢casual wear包得密實，但粉紅外套胸前部分相當立體，側面一睇就知道禾稈都冚唔晒珍珠，難怪陳法蓉年輕時連倪震同許晉亨都同佢有過感情線，劉德華亦曾經對佢想入非非添（喺《賭俠》入面）。不過，美人難逃「富豪」關，陳法蓉08年竟然錯愛空心老倌朱明。
情路唔順，陳法蓉至今仍然單身，唔緊要！每日過得開心嘅話單身也精彩，見到鍾意嘅蛋糕就買，自己笑住食，好過有伴侶但為情所煩惱吖嘛。

「壹起出手，撐新聞自由！」
立即免費訂閱《壹週刊》
登記成為壹會員，睇盡獨家內容，會員活動！
http://bit.ly/NextSubscrition30
【逐步教學】立即登記訂閱《壹週刊》！ 免費無阻睇盡全部精彩內容
http://bit.ly/2UWG7hI 

壹週刊 : https://nextplus.nextmedia.com/
即 like 壹週刊 fb : http://www.facebook.com/nextmagazinef...