相隔15年 何嘉莉再簽英皇以KOL身份出發

提到何嘉莉，依家大家對佢嘅印象只係一個湊住兩個小朋友嘅幸福索媽。對於一眾8、90後，大家應該仲記得佢以前有個外號叫「英皇小花」，估唔到事隔十幾年，何嘉莉再次簽返英皇公司，重新出發。

喺14年伍樂城音樂作品演唱會入面，何嘉莉鮮有開金口唱《兩種人》，令唔少人嘅回憶返嚟晒嚟! 當時有唔少人都話希望何嘉莉出返嚟，等咗4年，依家佢再簽英皇，不過就未必係再以歌手身份出嚟啦，而係KOL。

唔少人投身做KOL都賺到盤滿缽滿，咁大條財路，英皇都睇準機會，再次搵何嘉莉返嚟。話晒何嘉莉有一定知名道，加上佢又做過藝人，有一定嘅吸引力，做嘢當然會比起其他KOL更加專業。如果大家有留意開佢嘅動態，相信會發現近呢幾個月，何嘉莉拍咗幾條片講下媽媽經，分享一啲養生心得，同教一眾媽咪做運動KEEP FIT。

何嘉莉做KOL，唔單止可以就到時間湊小朋友，仲可以有時間發展自己嘅興趣，加埋有英皇做BACK UP，唔知何嘉莉可唔可以成為KOL女皇呢?

相關新聞：

何嘉莉最得楊受成寵愛 容祖兒都唔係對手
http://bit.ly/2EyzRS4

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...