【一個愛錯郎勵志故情】吳謹言痴心錯付被拋棄 聶遠捨摯愛恨錯難返

《延禧》播完後，唔少劇迷翹首以待近半原班演員拍攝嘅新劇《皓鑭傳》。《皓鑭傳》原定2018年11月15日播出，但開播前幾日突然原因不明、播出無期地宣佈暫緩。延遲咗兩個月，終於鐵定於1月19日喺愛奇藝網站獨播，逢星期6到星期2晚上8點各更新兩集。
聶遠、吳謹言喺《皓鑭傳》再續《延禧》情緣，不過感情路似乎比《延禧》時更唔順暢，事關男方飾演呂不韋，權勢同美人只能二選一下，決定放棄女方飾演嘅李皓鑭（即秦始皇母趙姬）。
最新預告片中，李皓鑭被呂不韋捨棄，傷心欲絕，對情愛產生不信任：「如果真切的愛慕一個人，哪怕受盡傷害也不改初衷。那麼輕易的讓出，還是愛情嗎？」另一邊廂，呂不韋已將愛人換取權勢，但原來念念不忘：「我以為我可以放下，但我卻始終放不下。」一個淒美嘅愛情故事，有待劇迷指教。
立即下載《壹週刊》Apps，隨時隨地睇盡時政專題、深度偵查、娛樂熱話！按此連結： http://bit.ly/next28app