【天生我才】鄧穎芝獨腳學生得獎 遊維珍航空老闆私人島

鄧穎芝嘅獨腳學生Christine可以走入社會，原來係得維珍航空老闆Richard Branson嘅啟發，15年創業得獎，仲被邀上老闆私人小島玩添。

「好記得十二歲時睇電視新聞，見到維珍航空創辦人Richard Branson，佢坐住個熱氣球横渡大西洋，當時見到個熱氣球同埋佢嘅冒險精神，嗰一刻內心好想好似佢咁，體驗呢個世界。」Christine說。

當時嘅Christine覺得自己唔會做到，直至二十一歲，好想有改變，用枴杖環遊世界。

「大概一五年決定創業，因為我想鼓勵身邊人，其實你哋都可以試新嘢，同埋可以幫到好多呢啲追求興趣嘅人，我就做咗一個興趣平台。」Christine說。

Christine仲參加咗一個叫「XTC」比賽，結果佢獲獎，有機會去Richard Branson加勒比海私人島見面。見面時，佢仲將印有熱氣球嘅卡片俾對方睇，親自多謝對方。

相處兩個幾期，對這位學生，鄧穎芝讚不絕口。

「佢都算係我第一位認識嘅殘障朋友，所以好多時唔記得咗佢得一隻，我行得好快，一支箭就唔見咗，令佢有尷尬。今次同佢合作，我自己都學到好多嘢。」鄧穎芝說。

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...