推男友視覺寫真集 松岡李那著居家內衣等你放工食...

話咁快又到書展寫真戰，今年有女神級別嘅日模松岡李那參戰，強勢推出全新寫真集「I’m Yours」，主打日本流行嘅男友視覺嚟拍攝，相信能令到巴打們一嘗做松岡男友嘅滋味！
為咗令讀者有切身嘅「男朋友感覺」，松岡刻意為寫真集加入好多以室內為主嘅生活內衣造型，目的梗係希望拉近自己同大家嘅距離啦，讓大家可以感受到佢私人嘅「松岡空間」，仲營造出一種「性感女友等你放工返屋企齊齊咬蘋果」嘅感覺添。食完蘋果唔少心弄污咗啲衫，佢又會好體貼乖巧咁幫你拎去洗架！
松岡身為日模，本來係打算喺日本拍攝架，但考慮到今次寫真集「男友視覺」嘅主要對象係港男們，所以佢都係想「陀地」少少，最後決定喺香港取景，更特意選咗繁華鬧市旺角，希望令更多本土男士將目光投射喺佢身上。

對於再次推出寫真，松岡期望可以賣出50,000本。呢個數唔細，佢想搏盡無悔，計畫親自去鬧市直接推銷，仲話：「上次出寫真集係配合電視劇宣傳，以《櫻桃小丸子》嘅野口同學造型上陣，嗰個絕唔係靚嘅造型，但好多人讚我同野口似，搞到我都唔知好嬲定好笑。所以，今次我希望大家睇完之後會讚我靚。」

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...