【八分一遺產】苟芸慧未婚夫收遺產2500萬 ：父親留給我四個字......

二〇〇八年，陸漢洋的父親陸孝佩正室談坤元過身，同年陸孝佩將灣仔會景閣一個單位以「Gift」形式送給陸漢洋，兩年後陸孝佩再以一千三百萬元買回單位，亦即一來一回送了一千三百萬元給兒子。三年前，陸孝佩仙遊，跟據其遺囑，陸漢洋佔八分之一遺產，以股票加現金以及數個物業計埋二億元左右，亦即陸漢洋分得約二千五百萬元，父親待他不薄。

陸漢洋回憶說：「我跟父親不是一齊住，見面時間比較少，到我長大十多歲就去咗外國，佢就喺香港，一年都係得一個暑假、一個聖誕節，我可以返嚟香港見面。但我哋每個月都會有書信來往。佢係一個我好尊敬、尊重嘅人，亦係我一個人生老師，即係點樣面對呢個社會，點樣喺商業社會立足……佢其實亦都好錫我，我同佢係距離遠，我記得有個老人家講過，可能係緣份比較薄，但係感情係好深厚。」

陸漢洋中學畢業後，父親叫他回港幫手，「我爸爸叫我返嚟，佢話返嚟睇吓有咩工作適合做，或者佢手頭上有乜嘢project，係我可以學到嘢。我記得暑期工有喺建造業訓練局做過文職學徒，因為當時爸爸係主席，跟住自己搵咗其他工作。」他後來認為自己學歷不足，回大學讀書才再步出社會。

父親還為他留下了甚麼教誨？「我頭上呢幅畫（寫上「自強不息」)，係華國鋒寫嘅。係一個uncle送俾我爸爸，我爸爸就教我，佢話做人，做每一件事，自強不息呢四個字係提醒我。你一定要不斷去進步，因為你唔進步，其實企喺度已經退步緊。呢個係一個幾深刻嘅教誨，所以我一路掛住喺我張櫈後面，或者我以前嘅辦公室，呢幅字畫都會跟住我。」

陸漢洋還有兩個同父異母的兄弟姐妹，他坦言現在和父親那邊的親人少聯繫，「有聯絡，但比較少。始終我有自己嘅事業，我有自己嘅生活，佢哋有佢哋自己嘅工作同生活，無乜特別話需要成日見面，又唔會特別去聚會。」

陸漢洋多年來開過不同瓣數公司，曾賣人造首飾，又搞公關及財務顧問公司。近年迷上賽車，甚至成立「一颷賽車」，自組車隊。他的創業及管理基因，相信亦源自爸爸，「搞車隊最大挑戰係，先要搵到一個好好嘅團隊，有一個合作精神，無分彼此。其實全部人都有好重要嘅崗位，譬如幫我清潔嗰位阿姐，如果佢稍為清潔得唔係好乾淨，或者有少少水滴睇唔到，啲mechanic（技師）拎住好重嘅引擎行過，可能一跣就會受傷，即係唔好睇少啲咁細微嘅嘢。」

「一條路行唔通，窮則變變則通，呢個係我爸爸嘅教訓，佢話你需要變時就要變，即係好似佢咁，佢做建築起家，到佢年紀稍為大啲，佢都唔做建築，做收租佬算數，因為年紀大咗要求嘅嘢唔同，發展亦會唔同。」

撰文：K.Y
攝錄：林志謙

相關連結：
【被指二奶仔】苟芸慧未婚夫認坎坷身世：與母相依為命
http://bit.ly/2LNC9AG

【談苟芸慧】陸漢洋希望今年完婚：苟芸慧只需揀婚紗
http://bit.ly/2J58MIs

立即按此連結下載《壹週刊》APP：
http://bit.ly/next28app

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...