【中環富貴啡店】美心大小姐駕到 Cova巡場巧遇李明慧

自從美心收購意大利高級餐廳Cova後，特別多新聞。

早前，因為一位網上KOL在尖沙咀海港城Cova向服務員拿取紙袋而遭到「西面」，引起網民熱烈討論，又咁講，一竹竿唔能夠打一船人，地點有別，服務態度自然差好遠㗎。

早前，我宗菁華與友人去中環歷山大廈間Cova食晏，諗住無訂位要企住等，個Captain話：「唏，你有luck，有張四人枱可安排給你。」態度好親切喎，梗係啦，美心太子女伍淑清經常在呢間Cova打躉，剛剛從北京落機拖住個Rimowa喼，以及北京馬會紙袋，與友人來到Cova食晏仔，其實呢位美心大小姐，今年七十歲，一生為家族開拓國內生意，是政商界女強人，不時約廚師到Cova「傾偈」，順便巡場，當日隔籬枱仲有前港姐李明慧同老公陳燿陽撐枱腳，咁，你話，老細隨時出巡，加上不時有名人幫襯，又點會唔安排質素高侍應嚟招呼客人呢？

撰文：宗菁華

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...