【娥姐又來喇】搶閘報名補選 陳玉娥自封網紅：我有勇氣囉！

搶先報名參加立法會新界東補選的，並不是民主派或是保皇黨猛人，而是「狂熱梁粉」陳玉娥。她一六年參加過立法會換屆選舉，但僅得四百八十六票低票落選，女候選人當中得票包尾。

談到再接再厲的原因，陳玉娥直言不滿現時立法會議員表現：「因為他們乜都做唔到。」坦言自己沒有政黨支持是最弱勢候選人，「我係着重過程唔係着重結果，我又冇後台，乜都冇，我本着自己，憑個心去做，係大無畏囉。」但這亦可以是最強：「因為我冇包袱吖嘛！」不受政黨操控，「所以我係代表獨立，鍾意講乜就講乜。」

對於上次選舉低票落敗，陳玉娥說那只是試水溫，「上次好多（票）都係親戚朋友俾我嘅」，她又以上次選舉中鄉事派侯志強只取得六千七百多票相比，「如果我攞到五千票仲唔係英雄？」形容自己今次目標只是取回選舉按金：「我假如當選都係當中六合彩啫！」然而，記者以一六年選舉近五十八萬七千多人投票推算，她要取得一萬七千六百多票，得票翻個三十四倍，方有望如願以償。

個人魅力遠不如人，口才也不好，打選戰經費又不多，陳玉娥為何繼續頂硬上？「其實我都想做一個先驅者，係大無畏。其實我覺得我講嘢唔係好叻，又唔係好特別，我覺得我係乜都冇，我又唔計較得失，但我有勇氣囉！我有勇氣囉！」她又謂早前到車公廟為香港、司局長求簽的同時，自己也求得一支上簽：「抽到上簽係唔係贏硬？又唔係喎，只不過係抽到上簽我贏咗啲人氣囉！」新界東補選其他候選人還包括黃成智、方國珊、趙佩玉、鄧家彪、范國威。

撰文：忻肇康
攝影：林金展

 

相關連結：

【娥姐又出場】娥頸橋之戀後爆紅 陳玉娥封CY做偶像：係一個好好先生
http://bit.ly/2Ieropt

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...