09年齊選港姐齊陀B 李姿敏孖同屆馬詠恩大肚出巡

提到香港小姐，大家淨係記得冠軍人馬，咁亞軍同季軍大家又記唔記得先?  09年香港小姐亞軍李姿敏，佢老公係澳洲籍練馬師賀賢。兩個年齡相差24年，但真愛係無分年齡，佢哋兩個上年結咗婚冇耐，仲好快造人成功。

依家懷孕4至5個月嘅李姿敏，早前孖住同屆港姐馬詠恩一齊行街買嘢。兩個一齊選港姐，仲一齊做媽媽，唔計傾買咩，淨係話當年同分享懷孕心得都有排講，所以佢哋全程都雞啄唔斷。邊個話選美比賽個個都勾心鬥角，睇佢哋繑晒手一齊行，就知佢哋感情好好。

今個月就生嘅馬詠恩個肚已經鑼咁大，佢就生個B女，而李姿敏就話想保持驚喜，唔CHECK係仔定女，但肯定嘅係佢哋應該都會搵另一好姊妹劉倩婷老公改名啦。劉倩婷老公係邊個? 咪李丞責囉!

相關新聞：

09年港姐口味好一致 熊穎詩袁嘉敏愛鬼佬

http://bit.ly/2tB0NQa

「女版許愿」林潔瑜高EQ贏正評 民望高過冠亞季

http://bit.ly/2p1j7gt

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...