【「聽」壹週刊28年】視障讀者：放假就打電話聽壹週刊

九十年代初起，香港失明人協進會會為視障會員提供熱線，會員可打上熱線收聽語音版報紙或雜誌，包括《壹週刊》。石建莊是香港失明人協進會常務秘書，同時亦是協會會員。

 

放假聽壹週刊

我中小學時期經常打上熱線收聽壹週刊，細細個就聽李建裁嘅聲音。嗰時我住喺盲人學校宿舍，週末返屋企，不時都會打上熱線聽《壹週刊》。我曾經被《壹週刊》訪問過，當時係可以用電腦讀屏軟件睇返篇報導，但我都係想打上熱線，聽李姑娘嘅真人發聲版本。我總係覺得，聽李姑娘讀係feel到有感情。

其實而家好多會員每個星期都習慣打上熱線收聽《壹週刊》，雖然而家佢哋可以喺手機應用程式睇動新聞，但年長視障人士唔太識用手機，只會打上熱線收聽。以後冇咗，對佢地嚟講會少咗啲娛樂。

 

撰文：鄭靖而
攝影：黃雲慶

 

相關連結：

【「聽」壹週刊28年】為視障人士錄壹仔故事 忠實讀者：風雨不改出書日錄音！http://bit.ly/2tIbWhR

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...