【生日親嘴照曾惹爭議】63歲李國麟送返學照嘴16歲女：我錫自己個女有咩唔啱

現年63歲的李國麟，前年為15歲女兒慶祝生日時，將兩人親嘴照放上微博，結果惹來網民爭議，不過當日李國麟認為自己是愛女表現，並沒有問題。最近，有日本女星按照傳統習俗，跟父兄浸浴，不過片段在網上遭受抨擊。對於這段報導，李國麟認為每個國家有自己傳統文化，大家應該互相尊重。
這位24孝爸爸，雖然近年大部分時間在國內開工，不過在港時，一定會接送寶貝女上學，下車前也會親她一吓。舊事重提，他堅持：「我錫嗰女有咩問題？我同媽咪都會親嘴，老婆都會錫佢，我爸爸以前在生時都係咁樣錫佢。因為我覺得呢個係我對親人嘅愛。」
李國麟在47歲生下女兒，他認為就是要給她幸福快樂；「而家喺我護蔭下，我盡量都希望可以令佢開心，幸福同健康。」女兒天生有讀寫障礙，所以在父親的角度，女兒讀書成績已經很不錯，因為無法集中，加上從來未想過要望女成龍，他都不會給女兒壓力。反而對她交友，李國麟比較緊張，他甚至會：「佢有幾個好朋友，我會約埋佢哋一齊出嚟食飯見面，有時一啲短程旅行，會請埋佢哋一齊去，即係睇吓佢哋願唔願意去囉，睇吓對方父母係咪批准。」有個這樣體貼的父親，女兒當然感恩，不過李國麟說：「我對屋企人都係咁樣，我係縱佢哋嘅。」

立即下載《壹週刊》Apps，隨時隨地睇盡時政專題、深度偵查、娛樂熱話！按此連結：http://bit.ly/next28app 

相關新聞：【人工畀晒老婆做定心丸】 內地開工易出事  李國麟：真係有好多人挑逗我！:http://bit.ly/2Xs7fDK

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...