【每日壹爆〡紅色資本】4億買起南丫島花園大宅 孔雀無家可歸

有「南丫島島主」之稱嘅隱形富豪，又係「貨櫃大王」嘅林良成，因為地契到期，加上年事已高，舊年低調賣咗佢係南丫島模達灣嘅私人花園別墅。
呢幅五萬呎莊園地皮，係40年前佢用元朗九塊地，同埋南丫島兩塊地，再加四萬九蚊補地價同政府換返嚟嘅。咁多年佢只係當招呼賓客既渡假屋咁用，養吓孔雀及長臂猿咁，仲有埋個私人碼頭方便出入。
去年中，林良成已喺市場低調放售莊園，做過航運生意、見慣風浪嘅佢，捉緊地產個浪，一邊同政府傾補地價，一邊就搵買家。
去年八月，政府要求佢用6900萬元補地價去續地契50年，林良成亦係十月搵到買家以四億元出售物業，並由買家支付6900萬元作訂金，咁就唔使自己攞錢去補地價啦！接任南丫島島主嘅，係一間BVI公司，聽講係中資背景，由於地契條款講明，要起樓或者要發展，必須在2023年前搞掂，相信寧靜嘅南丫島將會大興土木，唔知林良成養開嘅孔雀，今後去邊度棲息呢？
撰文：宗菁華 
立即下載《壹週刊》Apps，隨時隨地睇盡時政專題、深度偵查、娛樂熱話！
按此連結： http://bit.ly/next28app