【韓國Rain幫拖捐衫籌8萬】蔡一鳯盛品儒抱三個月大龍鳯胎上台做慈善

前亞視高層盛品儒跟太太蔡一鳳（Michelle） 日前於灣仔會展，為她創立的同芯慈善會(香港)舉行慈善典禮，以及慶祝龍鳳胎仔女的百日宴，她表示用了八個月時間籌備，並花費500萬元設立手機apps及網站。提及今次慈善宴請了陳曉東擔任表演外，更邀請了好友韓國男歌手Rain來表演，她笑指：「5年前，自己間珠寶店喺澳門開幕請咗佢做嘉賓，所以今次再請佢，感覺好圓滿。今晚好忙，著住高踭鞋周圍走，隻腳起晒水泡，不過如果有時間，我都會請教佢點樣照顧小朋友。」

蔡一鳯大讚龍鳯胎非常好湊：「佢哋肚餓或者眼瞓先扭下計，但平日湊佢哋好輕鬆，易湊過盛生呢個大BB。」蔡一鳯大爆唔需要老公幫忙，因為他會愈幫愈忙，她說：「佢主要負責同bb玩。」而Rain當晚做壓軸嘉賓，在晚會唱了三首歌，更為活動捐贈過的服飾，由內地專程出席晚宴的粉絲以8萬元投得，為慈善出錢出力。

立即下載《壹週刊》Apps，隨時隨地睇盡時政專題、深度偵查、娛樂熱話！按此連結：http://bit.ly/next28app