【人靠衣裝但最好都化吓妝】素顏洪欣黑眼圈超誇張 搶眼過一身貴價名牌

老公張丹峰係藝人，大仔張鎬濂亦已入行，洪欣一家四口有三位圈中人，理應要著重一下外表，但洪欣真係好懶得打扮，經常素顏外出，甚至連藝人三寶都唔用，絕對係以真面目示人。
呢日佢單拖現身shopping，撞見佢嗰陣，已經左手一個紙袋，右手一個膠袋，收穫豐富。不過，女士們嘅購物慾係無止境㗎，佢隨即去咗選購水晶，仲話都無咁快就拎個銀包出嚟找數！
洪欣以48歲之齡，而且睇落無人工添加嚟講，算keep得唔錯，但對黑眼圈實在厲害！雖然俗語有云人靠衣裝，但睇過「陳冠希背心圖」嘅都知，著得幾靚、幾貴都唔係重點，樣先係王道！所以，洪欣就算成身名牌，仲孭住一個炒價十萬以上嘅袋，都唔夠佢對熊貓眼搶鏡！當然，佢化返妝絕對係美魔女，唔會好似呢日咁有啲C9 feel。
立即下載《壹週刊》Apps，隨時隨地睇盡時政專題、深度偵查、娛樂熱話！按此連結： http://bit.ly/next28app