【戴口罩黑超變隱形人？】張智霖去Apple Store呆坐15分鐘無人理

張智霖一向主力拍電影，近幾年佢同靚靚夫婦檔上大陸拍真人騷，搵唔少。雖然成日都要北上工作，但佢基本上都係喺香港生活。近排佢仲話自己2019年打算減產量，賺錢交返俾靚靚，唔通想轉玩男主內，女主外？減產似乎唔係講笑，佢仲Po自家製嘅腸蛋麵上網，好有閒情逸致。
呢日《壹》仔見到佢出現喺銅鑼灣Apple Store，人咁多嘅地方，為免被認出，佢戴上口罩同大大副黑超一個人坐喺人群中。果然佢好成功咁隱身，不過就連Staff都無理佢啊！拎住電話想換電池嘅佢坐低等咗好耐都未有人理佢，搞到佢要舉手嗌人，但被職員無視咗。等多陣，終於有人幫佢，搞掂晒。佢就快步離開，過對面上車走人。Apple Store對出呢個位，成日都有人抄牌，唔行快兩步，分分鐘食多張牛肉乾！
立即下載《壹週刊》Apps，隨時隨地睇盡時政專題、深度偵查、娛樂熱話！按此連結： http://bit.ly/next28app