【最美的時光】同爸爸一樣怕老婆 森美：初中係我人生最快樂嘅時間

人愈大，愈難快樂，如果人生可以倒帶，森美又想回到哪個時候呢？「最想返番初中嘅時候，因為係我人生當中最快樂嘅時間。」記得初中時候，要面對很多不同的轉變，那段青蔥歲月，的確值得留戀、回味。森美說：「由小學轉到中學，開始拍拖，又因為轉咗去赤柱一間寄宿學校，所以開始寄宿，可以離開屋企。嗰時已經開始長大，覺得爸爸媽媽管住好煩，日日都喺學校同同學一齊玩一齊瞓，好似去camp咁，所以嗰時係最快樂最開心嘅兩年。」

咁森美有冇一啲兒時回憶，可以同大家分享吓呢？「小時候鍾意一個叫金毛獅王嘅超合金，分開三部分，上面一個機械人，跟住有隻獅子，下面就有對飛機腳。嗰時讀書成績唔錯，同阿爸阿媽去荃灣啲玩具鋪，問我鍾意咩自己揀，我話鍾意金毛獅王，嗰時電視播緊嘅卡通片，好似都要三百蚊，阿媽當時企得比較遠，阿爸問我係咪鍾意呢個，我話係呀，跟住阿媽好遠轟一句「咁貴！」埋嚟，跟住阿爸就話不如分開買，因為有個係三盒分開嘅，就係機械人、飛機同隻獅子，話「下次再俾心機讀書，叻啲考到一百分，咪買埋第二個、第三個，俾啲動力你好唔好？」好明顯阿爸同我一樣都怕老婆。」

咁最後有冇儲齊三盒？「點知直到我而家幾十歲人，成績都無好過，都買唔番全套金毛獅王，但係最近喺街見到金毛獅王再出番有得買，而家要千幾蚊，我朋友問我買唔買，其實我已經第二次見到佢，第一次見到時無買，今次再出，我話好啦，就買咗一個，返去俾阿媽睇，我話終於靠自己買到金毛獅王。」

撰文：海　山

攝影：黃志明

錄影：葉志明

髮型：Vince @ IL Colpo

場地提供：美樂照相館

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...